TIRANE- Një atenat me eksploziv, i mbetur në tentativë, ka ndodhur një ditë më parë rreth orës 07:30, tek “Liqeni i Thatë” në kryeqytet.
Sipas të dhënave zyrtare nga policia, në pjesën e poshtme të automjetit tip Benz, në pronësi të shtetasit Vasil Bedinaj, 44 – vjeç, është vendosur një sasi prej 450 gramë eksploziv, i llojit C4.
Pronari i mjetit, që ka konstatuar eksplozivin, ka njoftuar policinë, e cila ka gjetur lëndën eksplozive të pa shpërthyer, për arsye të paqarta, pasi kapsolli detonator, i vendosur brenda lëndës plasëse, ka bërë eksplodim.
Vasil Bedinaj, 44 – vjeç, është babai i një fëmije, aktualisht ushtron veprimtari në fushën e biznesit, si pronar i hotel “Regina” në Rradhimë të Vlorës, është kryetar i Shoqatës së Operatorëve Turistik për Jugun e Shqipërisë, “ATA”, ndërsa më parë ka mbajtur detyrën e Nënkryetarit të Bashkisë së Vlorës.
Në zgjedhjet e vitit 2015, ai kandidoi si i pavarur për të drejtuar këtë Bashki.
Ngjarja po hetohet për shkak të konflikteve në fushën e biznesit.
