Donald Lu është në luftë kundër të gjithëve, dhe të gjithë tashmë kundër tij. Prokurorë e gjyqtarë, “të majtë” e “të djathtë”. Pasi replikës së ashpër të adresuar sot nga Prokurori i Përgjithshëm, Adriatik Llalla ndaj ambasadorit amerikan në Tiranë, duket se ky reagim nuk ka qenë i vetmi.
Rasti është edhe ai i gjyqtarit Artan Lazaj i cili dikur ka qenë edhe anëtar i KQZ-së, i propozuar nga Partia Socialiste. Pasi la postin e anëtarit të KQZ-së, Lazaj u zgjodh nga Këshilli i Lartë i Drejtësisë si gjyqtar në Gjykatën e Tiranës. Por sot Lazaj është ndoshta nga të parët gjyqtarë që ka dalë kundër vendimit të Ambasadës Amerikane për tu revokuar vizat disa gjyqtarëve dhe prokurorëve në Shqipëri.
Gjatë një replike me gazetarin investigative Artan Hoxha, gjyqtari Lazaj shkruan se “Artan,e thene ne keto momente nga Ambasadori duket e pabesueshme.Pse pikerisht sot, qe shkroi shqetesimin Prokurori, apo e ka kapur zakoni shqiptar. Ka ardhur momenti qe boll me me misticizma e hidhu pirdhu,po çdo njeriu duhet ti vihet festja,nga me i madhi e deri me i vogli,vendas apo i huaj.Ky misticitet ne revokimin e vizave nuk me pelqen fare. Kontrolli behet ne momentin e dhenies se vizes e mandej po shkel rregullat e ati vendi apo perben rrezik per ate vend mund te rrevokohet. Secilit qe iu eshte rrevokuar duhet ti jepet nje qendrim personal e jo keshtu ne pergjithesi”kemi informacion”. Besoj nuk jane Isist te rrefuzuarit, por njerez te nderuar te keti kombi qe me te mirat e te keqiat kane dhene kontribute me shume se cdo politikan te jete. Keshtu mbeten te pabesueshem”. Ky koment i gjyqtarit Artan Lazaj nuk le shumë vend për interpretime, por tregon qartësisht ndjesitë që kanë aktualisht togat e zeza në drejtim të Ambasadorit Donald Lu.
Komenti i gjyqtarit Artan Lazaj
