Benjamin Netanyahu, kryeministri izraelit ka falënderuar presidentin amerikan Donald Trumpin për mbështetjen e tij gjatë gjyqit të tij për korrupsion.
Kreu i Shtëpisë së Bardhë kritikoi prokurorët të shtunën, duke thënë se Uashingtoni, pasi i ka dhënë miliarda dollarë ndihmë Izraelit, nuk do ta “duronte këtë”.
“Është ÇMENDURI të bësh atë që prokurorët jashtë kontrollit po i bëjnë Bibi Netanyahut”, tha Trump në një nga shumë postimet e tij në Truth Social, duke pretenduar se procesi gjyqësor do të ndërhynte në aftësinë e Netanyahut për të zhvilluar bisedime me grupin militant palestinez Hamas dhe Iranin.
Kështu në përgjigje, kryeministri Netanyahu, i cili ka siguruar mbështetjen e Trump dhe armët amerikane, tha: ‘Faleminderit sërish Donald Trump. Së bashku do ta bëjmë Lindjen e Mesme të Madhe Sërish!’
Kjo është hera e dytë brenda pak ditësh që Trump ndërhyn për të mbrojtur Netanyahun.
