Seanca e sotme gjyqësore ndaj imamëve të Xhamisë së Mëzezit që akuzohen se kanë rekrutuar xhihadistë në Siri, ka ngjallur debate në sallë, por pa munguar edhe batutat mes imamëve dhe prokurores së çështjes.
Në seancë u administruan provat nga përgjimet telefonike, ku tregohej se si imamët mbështesnin luftën për xhihad në Siri, por këto fakte nuk u kanë pëlqyer aspak imamëve.
Njëri prej tyre, Bujar Hysa, ka replikuar me prokuroren e çështjes.
“Më mirë të mbështes luftën në Siri sesa 2 mijë spunët që do të strehoni ju në shtator në Shqipëri”, tha Hysa, duke iu referuar muxhahedinëve iranianë.
Imami tjetër, Fadil Myslimani ka shkëmbyer edhe batuta me prokuroren.
“Me kaq luftë sa ke bërë ti, nuk e kuptoj se përse nuk të ftuan në takimin me John Kerryn”, tha ai.
