TIRANE- Një nga të akuzuarit për rekrutimin e xhihadistëve të ISIS, Gerti Pashja ka atakuar sot direkt Kryeministrin Edi Rama. Në Gjykatën e Krimeve të Rënda po mbahet seanca e fundit dhe pritet të jepet vendimi për ato që njihen “imamët e xhihaditit” të akuzuar për rekrutim të shqiptarëve në Siri.
“Për kë terrorizëm flet Rama, bombat që vihen në Tiranë apo vrasësit me pagesë. Na dënoni që t’i bëni qejfin Amerikës se nuk ju jep viza”, është shprehur Pashja.
“Çështja jonë është paragjykuar që pas ndërhyrjes së Ambasadës amerikane. Ambasada e SHBA ka bërë deklaratë për gjyqin tonë. Ç’i duhet Ambasadës të ndërhyjë në gjyqet shqiptare? Gjykata s’ka prova, po na dënon se i ka dhënë besën amerikanëve. Kjo është çështje e manipuluar nga Kryeministri, që po e përdor çështjen tonë për t’u mburrur se po lufton terrorizmin”, u shpreh në sallën e gjyqit Gerti Pashja.
