Kryetarja e Gjykatës së Tiranës, Enkeledi Hajro rrëzoi kërkesën e tre gjyqtarëve që po gjykojnë Kastriot Ismailajn, që të dorëhiqen nga çështja.
Abc News ka mësuar se kërkesa e tre gjyqtarëve, Vjollca Spahiu, Martin Deda dhe Bedri Qorri për tu larguar nga gjykimi i Ismailajt është cilësuar nga kryetarja e gjykatës si e pabazuar në ligj, duke kërkuar nga tre gjyqtarët vazhdimin e procesit gjyqësor. Por, me vendimin e kryetares së Gjykatës së Tiranës, nuk ishin dakord përsëri avokatët mbrojtës, të cilët dorëzuan për të 4 herë kërkesën për përjashtimin e tyre, duke i cilësuar të njëanshëm. Sipas avokatëve, tre gyqtarët kanë shprehur hapur njëanshmërinë në proces, duke mos pranuar asnjë kërkesë të avokatëve apo të pandehurit si dhe kanë diskriminuar klientin e tyre, të pandehurin Kastriot Ismailaj.
Për kërkesën e avokatëve, me datë 19 janar pritet të zhvillohet seanca e radhës pranë Gjykatës së Tiranës, ku një gjyqtar i përzgjedhur me short do të shprehet në lidhje me përjashtimin apo jo të tre gjyqtarëve që po gjykojnë çështjen.
Nga ana tjetër, procesin gjyqësor ndaj Kastriot Ismailajt ndodhet në fazën e pyetjes së dëshmitarëve të fundit të akuzës, në lidhje përfitimin me anë të mashtrimit nga kompania DIA të rreth 5 mln eurove. Vetë Ismailaj, gjatë fazës hetimore dhe gjyqësore, ka mohuar akuzën duke pretenduar se ka pas një marrveshje kontraktimi me kompanin çeke Cez shpërndarja për mbledhjen e borxhit tek debitor të ndryshëm.
Sipas prokurorisë, Ismailaj me anë të falsifikimit dhe mashtrimit ka përfituar shuma të mëdha parash nga kompania CEZ, para të cilat më pas i ka ibvestuar duke konsumuar edhe veprën penale të “pastrimit të parave”. Për llogari të këtij procesi gjyqësor, gjykata ka bllokuar rreth 6 milion euro para cash në llogari bankare dhe pasuri tjera të Ismailajt dhe familjarëve të tij.
