Deputetja e PS, Blerina Gjylameti thotë se Erion Veliaj nuk ka asnjë konkurrent në zgjdhjet lokale të 14 majit, duke theksuar fitoren absolute të tij.
Në emisionin “Opinion”, Gjylameti tha se kandidati i koalicionit “Bashkë Fitojmë”, Belind Këlliçi bën premtime që janë vetëm ëndrra dhe të pa realizueshme.
Sipas saj, Këlliçi përdor populizmin duke shpresuar që të marr mbështetjen e qytetarëve për zgjedhjet.
“Nuk besoj se ka konkuret përball kryetarit bashkisë të jem e sinqert. PD ka kandidat Roland Bejkon, pastaj është ndryshe kur flasim për koalicion është tjetër gjë. Kujtojmë që PL është parti e majtë. Këlliçi përdorë popullizmin dhe të bën premtime që nuk realizohen. Ne kemi parë që Tirana është transformuar në çdo cep. Është për t’u përgëzuar që më në fund erdhën në fushë betejë. Është shumë e lehtë që ato propozime që bën janë ëndrra e të kërkosh mbështetjen e qytetarëve. Për ndërtimin , kur flasim për një qytet që shtohet me 20 apo 25 banorë, por aq duhet ndërtuar. Qytetarët e Tiranës kanë treguar me votë që adresojnë problematikat e tyre, ne nuk kemi shkopin magjik, por adresojmë çdo problematik”,-tha Gjylameti.
