Të premten shqiptarët nga të gjitha trevat u mblodhën në Tiranë dhe protestuan kundër gjykimit të ish-krerëve të UÇK në Hagë, ish-presidenti i Kosovës, Hashim Thaçi, ish-kryeparlamentarët Kadri Veseli, dhe Jakup Krasniqi, dhe ish-deputeti Rexhep Selimi.
Në lidhje me gjykimin që po u bëhet ish-krerëve të UÇK ka folur në emisionin “Opinion” deputeti i PDK, Artan Berhami i cilit tha se Prokuroria Speciale ka pranuar të dhëna nga institucionet serbe kundër ish-krerëve të UÇK dhe jo të dhëna që vijnë nga Kosova.
“Prokuroria është furnizuar nga ministria serbe. Kjo prokurori ka patur zyrë edhe në Beograd. Prokuroria ka pranuar të dhëna nga institucione apo shërbimet inteligjente serbe dhe materiale të Kosovës jo. Prokuroria është mbështetur nga dokumente të ardhur nga Serbia. Kjo tregon që burimi ka qenë gjithmonë Serbia. Kjo Prokurori e ka konsideruar policinë e Kosovës që është ndërtuar me mjete amerikane, i ka cilësuar si një grup kriminal dhe ka besuar institucione që është vërtetuar që kanë kryer krime lufte në ballkan”,-tha Berhami.
