Gjykata e Vlorës ka vendosur masën e sigurisë “arrest me burg” për Ritvan Zykaj, autorin e masakrës me 8 të vdekur në fshatin Resulaj të Selenicës, në Vlorë.
Seanca gjyqësore në ngarkim të tij u zhvillua nën masa të rrepta sigurie, forca të shumta të policisë kishin rrethuar gjykatën e Vlorës. Asnjë prej familjarëve të 24 vjeçarit, i konsideruar si monstra e fshatit, nuk ishte i pranishëm në procesin gjyqësor.
Ridvan Zykaj, u arrestua mëngjesin e të shtunës, në një aksion të FNSH, Policisë e RENEA-s. 24 vjeçari nuk shfaqi pendesë për masakrën, ndërsa ironizoi me policët duke u thënë se u vonuan shumë për ta arrestuar.
Që nga dita e ngjarjes tragjike shumë ‘spektatorë’ të tragjedisë kanë kërkuar ‘dënimin me vdekje’ për monstrën./Opinion.al/
