Ish-presidenti amerikan Donald Trump duket se është futur një udhë pa krye me drejtësinë dhe problemet për të nuk kanë kanë të sosur. Ditën e sotme një juri federale në Manhattan e shpalli atë fajtor duke thënë se Trump abuzoi seksualisht me shkrimtaren E. Jean Carroll në një dhomë zhveshjeje të një dyqani luksoz në pranverën e vitit 1996.
Më herët, Trump ka mohuar një gjë të tillë duke thënë se Carroll nuk ishte tipi i saj, sipas së cilit, e ka krijuar këtë histori për të shitur librin. Mirëpo, kësaj radhe nuk u mbrojt dhe vendosi që të mos dëshmojë.
Carroll do të dëmshpërblehet me 5 milionë dollarë. Gjithashtu, ajo kërkon edhe një përgënjeshtrim të deklaratave që ka bërë Trump në mediat sociale në tetor 2022, ku mohonte gjithçka.
Megjithëse kjo nuk është një çështje penale, pasojat për Trump mund të jenë serioze pasi ai po përballet me një sërë akuzash të tjera. E për më shumë ndikon në imazhin e tij publik, pasi dëshiron të jetë sërish president i Shteteve të Bashkuara të Amerikës.
