Gjykata e Tiranës ka vendosur të pushojë hetimin ndaj Emiliano Shullazit për akuzën e “pastrimit të parave”. Ai dyshohej se kishte konsumuar këtë vepër kur u bë pronar i një pjese të ish-hotel Vollgës në Durrës.
Hetimi është pushuar edhe për biznesmenin Ylvi Beqja, personi që i premtoi Shullazit 20% të ish-Vollgës nëse e ndihmonte në regjistrimin e kësaj prone.
Në hetimin e nisur në vitin 2018 ndaj Shullazit dhe Beqjes, prokuroria ka verifikuar edhe veprimet e tre gjyqtarëve të Gjykatës së Durrësit Vladimir Skënderi, Dhurata Billo e Ndue Gjura, si edhe të ish-kryesekretares e ish-kancelares së gjykatës. Ata dyshoheshin për “shpërdorim të detyrës” gjatë procedurës gjyqësore.
Biznesmeni Beqja e denoncoi Emiliano Shullazin për “gjobëvënie” dhe pasi u bë “bashkëpunëtor i drejtësisë” dëshmoi kundër tij në gjykatë. Nga ana tjetër Shullazi është dënuar me 14 vjet burg nga Krimet e Rënda si kreu i një grupi kriminal gjobëvënësish. Tashmë ai pret vendimin e Apelit i cili ende nuk ka nisur procesin ndaj tij pasi asnjëherë nuk është përmbushur numri i duhur i gjykatësve. /Opinion.al
