Një gjykatë në Katania ka dënuar me 157 vjet burg në total 12 anëtarë të një bande droge që përbëhej nga shqiptarë dhe italianë. Kështu, sipas mediave italiane, mes të dënuarve janë edhe dy bosë shqiptarë, vëllezër mes tyre.
Ata janë Shpëtim Xheka dhe Ylber Xheka, të dy të dënuar me 8 dhe 3 vjet burgim. Operacioni për kapjen e tyre nisi që në vitin 2014, kur edhe u shkatërrua banda famëkeqe. Ata merreshin kryesisht me shitjen e lëndëve narkotike, si heroinë dhe kokainë.
Me termin “qengji”, ata tregonin se duhet një kilogram drogë, veçanërisht marijuanë. Ishte pikërisht ky kod (Agnellino), që i vuri emrin operacionit të gjerë të policisë italiane në Raguza dhe Comiso, operacion i kryer në vitin 2014.
