Kryeministrja e Italisë, Giorgia Meloni tha se qendrat në Shqipëri janë gati për të funksionuar.
Meloni deklaroi në konferencën vjetore të shtypit me gazetarët se Gjykata e Kasacionit i ka dhënë të drejtë.
Ajo thotë se zbarkimet e fundit të emigrantëve janë ulur me 60%, pothuajse janë zhdukur.
“Më duket se vendimet e Gjykatës së Kasacionit i japin të drejtë qeverisë, pasi thonë se i takon qeverisë të krijojë vende të sigurta. Qendrat në Shqipëri janë gati për të funksionuar. Vitin e kaluar zbarkimet u ulën me 60%, vitet e fundit pothuajse janë zhdukur, por për sa na përket neve qendrat janë gati për të qenë operacionale”, theksoi Meloni.
Duke folur për vendimin e Gjykatës së Kasacionit, Meloni argumentoi:
”Rrjedhimisht, gjyqtari nuk mund të mos zbatojë sistematikisht ndalimin e emigrantëve që vijnë nga ato vende, por mund të motivojë rastin konkret. E cila është diçka krejtësisht e ndryshme nga ajo që bënë magjistratët e gjykatës së Romës, të cilët nuk hynë në themel të çështjes individuale”, shtoi Meloni.
