Ish kreu i policisë Bashkiake dhe Inspektoriatit Ndërtimor Urbanistik Vendor të Tiranës, Florenc Hoxha u dënua nga gjykata e Tiranës me 1 vit e 4 muaj burg, pasi prokuroria e akuzoi për “Shpërdorim detyre”.
Hoxha u denoncua nga një familje në kryeqytet, pasi këtyre të fundit po i’u merrej prona në rrugën Reshit Petrela përgjatë vitit 2012 duke u bërë një ndërtim pa leje.
Ndërtimi pa leje përfundoi në karburant i cili dy vite më pas do të prishej nga Inspektoriati Ndërtimor Kombëtar si një objekt pa leje.
Paçka ankesave të familjes në kryeqytet sipas prokurorisë Florenc Hoxha me veprimet e mos veprimet e tij ka lejuar ndërtimin e objektit pa leje edhe pse ligji i jepte të drejtë ta prishte dhe të kallëzonte ndërtuesin abuziv, thuhet në dosjen e Prokurorisë.
Ndërkohë dënimi i dytë me 4 muaj i konvertuar në shërbim prove që rëndon ndaj Hoxhës është ai i përfshirjes në një konflikt në 2 shkurt 2015, ku sipas gjykatës fjalori i përdorur ka cënuar figurën e funksionarit publik që Hoxha mbante prej disa vitesh.
