Francesko Beketi nuk do të ekstradohet në Shqipëri.
Sipas Dailystar avokati i biznesmenit italian, ka pretenduar se në Shqipëri kanë asistuar dy herë në një proces gjyqësor dhe kanë kanë fiksuar abuzimin e institucioneve të prokurorisë dhe gjykatës ndaj personit të tij dhe bizneseve, duke kthyer në armik të liderve shqiptarë.
Sipas avokatit Julian Knowels, kryeministri Edi Rama ka një armiqësi të vecantë ndaj klientit të tij ndaj në qershor 2015 asetet e Beketit në Shqipëri u konfiskuan nga qeveria shqiptare.
Njëkohësisht llogaritë bankare u bllokuan dhe televizioni i tij Agon Channel, kritikues ndaj kabinetit Rama, shton “Dailystar”, u mbyll nga autoritetet.
Partneri i biznesmenit Beketti, Mauro De Renzi i cili përballet me të njëjtat akuza në Shqipëri, kishte pozicion drejtues në television.
Sipas avokatit Knowels, në seancën dëgjimore, shteti shqiptar pati gënjyer në tentativë për të manipuluar procesin e ekstradimit.
Kryeministri Rama nuk ka simpati ndaj biznesmenit italian dhe për këtë arsye, sipas avokatit, kërkon të dënojë Beketin në një sulm të motivuar politikisht.
Gjyqtarja e distriktit Nina Tempia dha vendimin në Gjykatën e Magjistraturës Westminster me arsyetimin se abuzimi i procesit ka patur sukses.
Francesko Beketi po vazhdon gjykimin në Shqipëri për akuzën e “mashtrimit” me pasoja të rënda, falsifikimit të dokumenteve, evazionit fiscal dhe pastrimit të parave. Për llogari të këij procesi Beketit i janë sekuestruar disa kompani biznesi në Shqipëri si dhe televizioni Agon Channel.
