Serbia nuk do ta ndryshojë nga Kushtetuta atë që ka besimin e 90 për qind të qytetarëve të saj, kurse Kosova do të duhej që në Kushtetutën e saj ta përfshijë lidhjen institucionale me Serbinë, thotë Marko Gjuric.
Ai për B92 ka thënë se për shkak të hyrjes në BE nga Kushtetuta serbe nuk do të fshihet preambula “e nxjerrë nga historia, argumentet politike dhe morale”, transmeton lajmi.net.
Gjuric ka thënë se për Serbinë në bisedime me Prishtinë edhe me tej çështje e parë mbetet Asociacioni i Komunave me shumicë serbe.
“Deri me tash kemi pasur bisedimet me të gjatë në Bruksel, seriozisht të mundimshme. Zonja Tahiri pikëpamjet e saja për botën ua paraqet opinionit si realitet, edhe pse ajo është njëfarë pasqyre e fshehur e vërtetësisë”, ka thënë Gjuriq.
“Derisa e tërë rruga Mbreti Petar nuk bëhet shëtitore, hapja e Urës së Ibrit nuk do të ndodh. Për neve është e rëndësishme siguria në Mitrovicë, duhet të sigurohet se nuk munden konvoj nga pjesa jugore e Mitrovicës të kalojnë në atë veriore. Për neve është e rëndësishme që KFOR-it të jetë aty afër”, ka thënë tutje ai.
Gjuriq më pas ka thënë se nuk e kupton zonjë Tahiri se si flet diçka që nuk është biseduar në Bruksel.
“Me besoni, kjo çfarë ju them që ura nuk do të hapet derisa rruga nuk bëhet zonë e kalimtarësh, këtë do ta transmetojnë mediat shqiptare dhe ajo sërish do të dalë qesharake”, ka thënë Gjuriq.
