Kandidati për deputet i PD, Xhemal Gjunkshi u shpreh se SPAK duhet të çojë para drejtësisë këdo të përfshirë në krime zgjedhore.
Në një deklaratë për gazetarët pas daljes nga SPAK, mësohet se ai ka denoncuar krimet zgjedhore të kryetarit të Bashkisë Peshkopi, Rrahim Spahiu.
“Ne jemi këtu për të sjellë zërin e qytetarëve. Dosja 184 është dosje e hapur është i përfshirë drejtpërdrejt edhe kryeministri i vendit. Nga ana e PD është kallëzuar dhe po ndiqen procedurat. SPAK të marrë hapat e nevojshëm dhe një ditë këtu të vijë edhe kryeministri i vendit. Rasti konkret; kallëzimi që unë kam bërë akoma nuk është parit kryetari i bashkisë ai është strumbullari.
Besoj që është çështje që i takon SPAK për të vazhduar. Është detyra e SPAK të kryejë detyrën me profesionalizëm. Duke u bazuar në ato fakte e dokumente të dërgojë para drejtësisë këdo; qoftë ministër apo ish-ministër që ka pasur funksion publik në këtë administratë”, tha Gjunkshi.
