TIRANË- Ministrja e LSI tek Integrimi, Klajda Gjosha është shprehur me nota kritike sot duke thënse disa ministri kanë neglizhuar pjesëmarrjen në grupet e punës në përmbushjen e pesë prioriteteve të KE-së.
Ministrja nuk tha konkretisht se cilat ministri ishin problematike, por u shpreh se “do të jemi në monitorim mujor”.
Sipas saj, grupet ndërinstitucioinale të punës duhet të mblidhen çdo tre javë. Këto takime duhet të kryhen, dhe në momentin që ato kryhen bëhet dhe raportimi direkt pranë MIE.
“Ka pasur disa ministri që e kanë neglizhuar dhe ky është detyrim madhor. Nuk ka një memorie institucionale. Tërheq vëmendjen dhe zv. ministrave që duhet të jenë në krye të këtyre mbledhjeve. Nëse mbledhjet drejtohen nga shefat e sektorit nuk është e njëjta rëndësi. Unë realisht do t’u kërkoja vëmendje më të madhe se vetë vendi po ecën drejt një procesi me përgjegjësi më të madhe, po dhe punë më të shtuar”, tha Gjosha.
