63-vjeçari Agron Xhafa që drejtonte autobusin që u aksidentua këtë paradite është arrestuar nga policia në kushtet e flagrancës. Lajmi është bërë i ditur nga Taulant Gjoka, Shef i Sigurisë në Trafikun Urban në kryeqytet. “Pra aktualisht që flasim, ai është i dyshuar si shkaktar i aksidentit rrugor. Dhe ka dyshime të arsyeshme për shkelje që janë të dukshme”, u shpreh Gjoka në emisionin “Opinion”.
“E kemi versionin, për ne është shkelje e rregullave të qarkullimit rrugor nga drejtuesi i autobusit, i cili është arrestuar nga policia. Është vendosur masa e arrestit në kushtet e flagrancës për drejtuesin e autobusit. Pra aktualisht që flasim, ai është i dyshuar si shkaktar i aksidentit rrugor. Dhe ka dyshime të arsyeshme për shkelje që janë të dukshme. Pastaj, hipotezat se shkelja e rregullave ka ardhur si pasojë e patologjisë fizike që ai pretendon, apo amnezës mjekësore për të cilën ne nuk kemi dijeni, apo si rezultat i një gabimi tjetër…”, tha Gjoka. /Opinion.al
