Avokati Arjan Kalaja, “gjobit” gjyqtarin e Gjykatës së Lartë Admir Thanza.
ABC News ka mësuar se avokati Kalaja, me anë të një mesazhi telefonik i ka kërkuar gjyqtari Thanza të paguaj në formë gjobë shumën prej 8 mijë dollarësh. Në të kundërtën, e ka kërcënuar se do i drejtohet mediave për të denoncur aferat korruptive.
Ky mesazh, kërcënues mësohet se është nisur në verën e 2013 vetëm pak muaj pasi gjyqtari Thanza është emëruar pranë Gjykatës së Lartë, pas mbarimit të mandatit si gjyqtari i Gjykatës Kushtetuese.
Pas këtij mesazhi, kërcënues mësohet se gjyqtari Thanza i ka kthyer përgjigjie, duke pyetur se kush ishte pasi nuk e njihte numërin. Dhe ndërkohë, thuhet se i është drejtuar policisë duke kallëzuar për mesazhin shantazhues. Në kallëzim mësohet se gjyqtari Thanza ka mohuar njohjen e numërit dërgues apo edhe problemeve me individ të caktuar për çështje në gjykim pranë institucionit ku ai ushtron detyrën.
Burimet thonë se për shkak se numri është mbyllur që në kohën e dërgimit te mesazhit dhe aparati cellular nuk është përdorur në ndonjë thirrje tjetër, policia ka pasur të vështirë zbardhjen në kohë të kësaj gjobëvënie. Mësohet se me ndihmën e numrit identifikues të aparatit cellular i njohur si IEM dhe kompanive telefonike është arritur vetëm në verë të vitit 2015 të identifikohet “gjobëvënësi” që rezultoi se ishte avokati Arjan Kalaja po nga Shkodra.
Gjatë arrestimit Kalaja ka mohuar se ka qene ai qe i ka nisur mesazhin kërcënues gjyqtarit Thanza, me të cilin kishte njkohje prej vitesh për shkak se të dy janë nga Shkodra. Mësohet se Kalaja ka pretenduar se ndoshta djali i tij, i cili tashmë ka ndërruar jetë si pasoj e një sëmundje të keqe, mund t’ia ketë nisur mesazhin kërcënues. Për këtë dhe gjendjes shëndetësore të avokatit Kalaja, gjykata e krimeve të rënda i ka caktuar masën e sigurisë “detyrim për paraqitjeje”.
Me mbylljen e hetimeve dosja është dorëzuar në gjykatë dhe për 13 seanca janë shqyrtuar vetëm disa prova të prokurorisë. Ndërkohë në seancën e radhës, së ditës së enjte pritet që me cilësinë e dëshmitares të paraqitet bashkëshortja e gjyqtari Thanza për gjobën që atyre i është vendosur nga avokati me të cilin kishin njohje.
Është i çuditshëm fakti, se si arrestimi i të pandehurit nga policia dhe më pas lirimi nga gjykata apo edhe dërgimi i dosjes në gjyq nga prokruoria, media nuk është njoftuar në asnjë rast, siç ndodh në rastet e tjera me personazh të tjerë rë arrestuar apo proceduar. /abcnews
