Jo zyrtarisht ekspert pranë Laboratorit të Policisë Shkencore në Ministrinë e Brendshme, e justifikojnë vonesën me ngarkesën e punës që kanë. Ata shprehen se përveç mungesës së materialeve bazike, mungesës së personelit, në laborator janë akumuluar dhjetra ekspertime të kërkuara nga prokuroria të cilat për efekt afatesh proceduriale ende nuk kanë përfunduar. Madje pak muaj me pare drejtori i laboratorit Artur Zoto u ankua tek zv/drejtori i përgjithshëm të Policisë së Shtetit Ardian Çipa për problemet e laboratorit.
Në letër ndër të tjera thuhet se: në laborator janë mbi 250 vendime ekspertimi të papërfunduara, një pjesë e të cilëve daton që nga viti 2014 në shkelje të çdo lloj afati procedurial. Cdo ditë ka me dhjetra kërkesa me shkrim apo verbalisht nga prokurori të ndryshme, ku kërkohen urgjent aktet e ekspertimit.
Përfundimi i ekzaminimit grafik në laborator do të provoj nëse pretendimet e inspektorit Karaj qëndrojnë. Pasi, në një dalje për media, Besmir Karaj ka pretenduar se shkrimi i tij është falsifikuar nga eprorët në Bashki.
Për këtë kallëzim, është prononcuar edhe kreu i Bashkisë së Tiranës, erjon Veliaj, i cili ka këmbëngulur që nënshkrtimi është i inspektorit të bashkisë. Ai ka thënë se nëse rezulton që nënshkrimi nuk është i inspektorit, përgjegjësia bie mbi atë.
Vonesa e ekspertizës së laboratorit shkencore, ka sjell edhe pezullimin e hetimeve të prokurorisë. Burimet thonë se pa përfunduar ekspertiza grafike e krahasuese nuk mund të bëjme asnjë veprim tjetër hetimor për dosjen.
Ndërkohë, kallëzimin për falsifikimin e nënshkrimit e ka bërë vet polici bashkiak Besmir Karaj, i cili pretendon se nuk është ai firmtari i gjobës që Bashkia i ka vënë Partisë Demokratike. Për këtë fakt, ai ka kalllëzuar eprorët e tij për marrjen e bllokut të gjobave dhe falsifikimin e nënshkrimit.
