Gjykata e Posaçme i ka dërguar një shkresë të dytë Kuvendit për marrjen në pyetje të ish-kryeministrit Sali Berisha.
Këtë herë shkresa mban datën 14 nëntor 2023 dhe është marrë sot nga protokolli i Kuvendit.
Ky është një tjetër vendim për gjyqin e dytë ndaj Berishës por për të njejtën masë.
“Në zbatim të urdhrit të gjykatës për komunikimin e vendimit Nr.117 datë 26.10.2025, bashkëlidhur ju dërgojmë vendimin me nr. 117, datë 26.10.2023, e Gjykatës së Posaçme Shkallës së Parë për Korrupsion dhe Krimin e Organizuar, që i përket shtetasit Sali Berisha, me objekt marrjen ne pyetje të personit nën hetime me qëllim marrjen në dijeni nga ana juaj”, shkruhet në shkresë.
Bëhet me dije se duke qenë se shkresa i drejtohet shtetasit Sali Berisha dhe jo Kuvendit, Kuvendi ia ka derguar me email ish kryeministrit dhe gjithashtu me postë në selinë e PD.
Kujtojmë se ish-kryeministri Berisha është vënë nën hetim për privatizimin e ish-kompleksit Partizani, çështje për të cilën është arrestuar dhëndri i tij, Jamarbër Malltezi.
Ndaj Berishës është vendosur masa “detyrim paraqitje” dhe iu është bllokuar pasaporta. Berisha nuk ka marrë pjesë në seancat e zhvilluara ndaj tij me argumentin se SPAK duhet t’i kishte marrë leje Kuvendit për vendosjen e masave shtrënguese ndaj tij, duke qenë se ai është deputet i kuvendit të Shqipërisë.
