Avokati i ish-kryeministrit Berisha, ka reaguar pasi GJKKO ka rrëzuar kërkesën e Berishës për heqjen e masës së sigurisë, dhe për përjashtimin e gjyqtares Irena Gjoka.
Gjokutaj është shprehur se seanca ia vlejti vetëm për të dokumentuar shkeljet e radhës së gjykatës. Ai theksoi se vendimi i zbardhur i është dhënë sot.
“Ne kërkuam përjashtimin e gjyqtares, e dyta kërkesë. Një reagim krejt i ftohtë dhe një vendimmarrje si të gjitha të tjerat. Sigurisht kjo seancë ia vlejti për të dokumentuar shkeljen e radhës së gjykatës. Vendimi i zbardhur na u dha sot. Imagjinoni që vendimet janë të pa ekzekutuara, vendimet janë të pa depozituara në sekretarinë e gjykatës. Ndërkohë që Gjykata dhe Prokuroria flisnin sikur ato vendime janë komunikuar. Ne e konsiderojmë të pa ekzekutuar atë vendim, pavarësisht se këta i qëndrojnë shkeljes. Një gjykatë dhe një prokurori që shkel Kushtetutën, Kodin e Procedurës Penale e ka në dorë të dytë. Të dyja kërkesat janë rrëzuar”-tha Gjokutaj.
