Gjykata e Posaçme ka kthyer në SPAK për plotësim dosjen hetimore ndaj ish-deputetit të PD, Asllan Dogjani.
GJKKO i ka lënë afat një muaj SPAK për plotësimin e hetimeve.
Pas seancës, Dogjani u shpreh për mediat para SPAK se nuk do të dorëzohet.
“Sot ka pasur një seancë normale, erdhi organi i akuzës, i tregoj çfarë veprimesh kishte kryer, Gjykata i tha do kryesh dhe këto detyra të tjera dhe do vish pas një muaji.
Dalë ngadalë kjo situatë po del që është iniciuar nga Rama, sepse unë nuk jam këtu se kam vjedhur, kam bërë korrupsion e pisllëqe, por po fole dhe është Edi Rama në pushtet, është krim. Nuk dorëzohem”, tha ai.
