Gjykata e Apelit të Posaçëm ka dënuar me 2 vite e 8 muaj burg ish-kryetarin e bashkisë së Lezhës Fran Frrokaj.
Ish-zyrtari vendor u gjet fajtor për akuzën e shpërdorimit të detyrës në lidhje me tjetërsimin e pronave në vendin e njohur si Rana e Hedhun.
Frrokaj u dënua nga shkalla e parë me 1 vit e 4 muaj burg, ndërsa Apeli vendosi dënimin me 2 vite e 8 muaj heqje lirie.
Frrokaj u lirua pak kohë më parë pasi përfitoi nga amnistia, por tashmë pritet të rikthehet sërish në qeli për të vuajtur pjesën tjetër të dënimit.
“-Deklarimin fajtor të të pandehurit Fran Frrokaj për kryerjen e veprës penale “Shpërdorimi i detyrës”, parashikuar nga neni 248 i Kodit Penal dhe dënimin e tij me 4 (katër) vjet burgim. Në bazë të nenit 406/1 të Kodit të Procedurës Penale dënimin përfundimisht të të pandehurit F.F. me 2 (dy) vjet e 8 (tetë) muaj burgim”,-thuhet në njoftimin e gjykatës.
