Efektivët e Komisariatit të Policisë Gjirokastër në kuadër të aksionit kundër kultivimit të bimëve narkotike kanë konstatuar dhe më pas asgjësuar rreth 3300 bimë kanabis. Sipas të dhënave zyrtare rreth 1300 bimë janë zbuluar në afërsi të fshatit Prongji dhe 2000 bimë u konstatuan pranë fshatit Kolonjë.
Policia po punon për identifikimin dhe kapjen e autorëve. Materialet i kaluan Prokurorisë të Rrethit Gjyqësor Gjirokastër për veprën penale “Kultivimi i bimëve narkotike”.
