Policia e Gjirokastrës ka vënë në pranga një 17-vjeçar, pasi ka goditur me thikë një shtetas ditën e djeshme.
Sipas uniformave blu bëhet me dije se ngjarja ka ndodhur në lagjen “18 Shtatori”.
I mituri dyshohet se për motive të dobëta, ka goditur me thikë shtetasin G. H., 49 vjeç, i cili ndodhet në spital, jashtë rrezikut për jetën.
“Specialistët për Hetimin e Krimeve të Komisariatit të Policisë Gjirokastër arrestuan në flagrancë një 17-vjeçar, banues në Gjirokastër, pasi dje, në lagjen “18 Shtatori”, dyshohet se për motive të dobëta, ka goditur me mjet prerës (thikë), shtetasin G. H., 49 vjeç, banues në fshatin Picar, i cili ndodhet në spital, jashtë rrezikut për jetën.
Thika u sekuestrua në cilësinë e provës materiale”, njofton policia.
