Gjin Preducaj e ka vrarë në gjumë të shoqen ndërsa ajo flinte me të birin 3 vjeçar. Ngjarja e rëndë ka tronditur Gallaraten, në provincën e Varese, ku muratori 42 vjeçar jetonte prej 10 vjetësh bashkë me të shoqen, Marianën, 31 vjeç. Gjatë rrëfimit për prokuroren Nadia Alessandra Calcaterra, 42 vjeçari ka shpjeguar se gjithçka nisi nga një inat i bëftë dhe i pakontrollueshëm.
“Është ngritur nga divani ku shihte televizor, mori thikën e bukës dhe goditi të shoqen në fyt, ndërsa ajo flinte me djalin 3 vjeçar”. Ai i ka prerë arterien dhe hemoragjia shkaktoi vdekjen e menjëhershme. Pas këtij veprimi ka tentuar të kryejë vetëvrasje, duke e qëlluar veten në gjoks, me po të njëjtën thikë. Por plaga rezultoi një gërvishtje e vogël. “Xhino”, siç e thërrisnin miqte, kishte pranuar se ishte xheloz, por nuk kishte patur dyshime për lidhje jashtëmartesore nga ana e gruas, të cilën nuk e kishte goditur asnjëherë.
Ai kishte treguar se Mariana, disa ditë më parë i kishte shprehur dyshimin se kishte ngelur shtatzënë, gjë që do të verifikohet pas autopsisë. Pasi ai ka kryer krimin, ka marrë në telefon të motrën duke i thënë: “Gjithçka mori fund”. Ajo ka marrë më pas në telefon policinë, që ka mbërritur në shtëpinë Preducaj në orën 04:00 të mëngjesit, kur çdo gjë ishte e pakthyeshme. /tvklan/
