Puna për ndërtimin e aeroportit të Vlorës do të nisë këtë vit. Kështu bëri të ditur ministri i Infrastrukturës, Damian Gjiknuri pas mbledhjes së qeverisë.
Ai tha se është miratuar pr/ligji për nisjen e negociatave me kompanitë private turke.
“Do të jetë aeroporti më i madh e modern në vend. Më i madhi se Rinasi. Investitorët do të hedhin 100 milionë euro dhe do të jetë tërësisht privat”, tha Gjiknuri. Brenda 90 ditëve do të vazhdojnë negociatat që do mbyllen me marrëveshje tha ai. Qeveria duke punuar për të vënë në punë edhe aeroportin e Kukësit dhe më pas do ndërtojmë dhe një aeroport turistik në Sarandë”, tha ai.
