Një shtetas kosovar i shpallur në kërkim nga autoritetet gjermane për pjesëmarrje në një organizatë kriminale në fushën e mashtrimit është arrestuar në pikën doganore të Qafë Prushit teksa po përpiqej të hynte në Shqipëri.
Uniformat blu bëjnë me dije se 34-vjeçari me banim në Pejë, i identifikuar me inicialet P. A ishte shpallur në kërkim ndërkombëtar.
“Gjatë verifikimeve dhe intervistimit në vijë të dytë, në hyrje të vendit, rezultoi se 34-vjeçari ishte shpallur në kërkim ndërkombëtar sepse Gjykata e Landshut i ka caktuar masën e sigurisë “Arrest në burg”, për veprën penale “Mashtimi”, kryer në kuadër të organizatës kriminale, sipas parashikimeve të legjislacionit penal të Gjermanisë”, njofton policia.
Interpol Tirana, në bashkëpunim me homologët në Gjermani, vijon procedurat për ekstradimin e 34-vjeçarit./Opinion.al
