Autoritetet shëndetësore të Gjermanisë po i bëjnë apel emigrantëve me kualifikime mjekësore për tu bashkuar me ekipet e trajtimit të koronavirusit.
Numri i mjekëve dhe infermierëve të sëmurë ose në karantinë është shtuar dhe kjo ka vendosur nën presion shërbim shëndetësor.
Iniciativat qeveritare kanë arritur të shtojnë numrin e shtretërve të terapisë intensive nga rreth 24,000 në 40,000, shumica prej tyre me respiratorë.
Por sistemi shëndetësor ka ende nevojë për më shumë personel mjekësor për t’u kujdesur për pacientët, për të rritur nivelet e testimit dhe për të gjetur personat që kanë qenë në kontakt me ata që janë të sëmurë.
Match4Healthcare, një faqe interneti e mbështetur nga autoritetet mjekësore, e cila u krijua nga një ekip vullnetar studentësh, kërkon të lidhë punonjës e kujdesit shëndetësor dhe vullnetarë, përfshi këtu edhe emigratët që jetojnë në Gjermani, me klinikat dhe shtëpitë e kujdesit që kanë nevojë për mbështetje.
Shteti i Saksonisë është në pararojë e kësaj fushate që u bën thirrje mjekëve të huaj, përfshirë mijëra refugjatë që mbërritën në vitin 2015, të ndihmojnë. Sipas grupit të Facebook “Mjekët Sirianë” në Gjermani ka 14,000 mjekë sirianë që presin që kualifikimet e tyre të miratohen.
Autoritetet gjermane kanë njoftuar se personave që janë në pritje të aprovimit të lejes do t’ju lehtësohet kjo procedurë për t’i ardhur sa më shpejtë në ndihmë strukturave në nevojë. /Opinion.al
