Gjashtë spiunë janë arrestuar në Gjermani gjatë këtij muaj. Duke bërë që Gjermania të akuzojë Rusinë dhe Kinë për spiunazh.
BBC shkruan se për partinë e ekstremit të djathtë Alternativa për Gjermaninë (AfD) ka rezultuar e turpshme, sepse dy kandidatët e tyre kryesorë për zgjedhjet evropiane të qershorit tashmë janë në pikëpyetje.
Një ndihmës i eurodeputetit Maximilian Krah, i cili kryeson listën e partisë, është arrestuar me dyshimin se ka spiunuar për Kinën.
Jian G akuzohet si “punonjës i një shërbimi sekret kinez”. Prokurorët kanë nisur gjithashtu hetimet paraprake ndaj vetë politikanit mbi pagesat e supozuara nga burime pro-ruse dhe kineze.
Edhe pse Krah mohon çdo akuzë. Ditë më parë, Petr Bystron, emri i dytë në listën e AfD-së, mohoi pretendimet se ai kishte marrë para nga faqja e internetit Zëri i Evropës, të pretenduar nga inteligjenca evropiane se ka qenë një front i inteligjencës ruse.
Por akuzat shkojnë përtej AfD-së. Dy shtetas gjermanë me origjinë ruse janë arrestuar me dyshimin se kanë komplotuar për të sabotuar ndihmën ushtarake të Gjermanisë për Ukrainën, ndërsa tre gjermanë janë arrestuar, pasi dyshohet se kanë planifikuar të kalojnë dizajne të avancuara të motorëve tek inteligjenca kineze.
