Franca kalon në epërsi ndaj Gjermanisë. Në fund të pjesës së parë, Bastian Schweinsteiger, preku topin me dorë duke shkaktuar penallti. Nga pika e bardhë nuk gaboi Antoine Griezmann, i cili shënoi për 1:0.
Grizman nuk e pati të vështirë të shënonte përballë Nojerit, duke i dhënë avantazhin ekipit të tij. Zhiru pati një mundësi të artë për Francën pas një aksioni që nisi pas mesit të fushës, duke kapur në befasi mbrojtjen gjermane, por u bllokua nga Hëveds në momentin kur ai do të gjuante drejt Nojerit.
Gjermanët patën një rast të mirë për gol në minutën e 13′, kur Myler gjuajti në zonën e rreptësisë, por topi u devijua pa rrezikuar kuadratin e Lorisit. Nga ana e tyre francezët u shfaqen më të rrezikshëm më dhjetë minutat e para. Një aksion i nisur nga krahu i majtë në minutën e 7′, nxorri disi të zbuluar Grizmanin në zonën e rreptësisë, por gjuajtja e tij u devijua nga Nojer. Kampionët e Botës në fuqi kanë premtuar një ndeshje plot spektakël në fushë, ndërsa francezët që janë edhe vendi organizator i këtij turneu, kërkojnë të shkruajnë “një kapitull të ri”. Ndeshja zhvillohet në një atmosferë elektrizuese në stadiumin “Velodrome” të Marsejës, impiant i cili ka një kapacitet prej 67,354 vendesh.
