Ka përfunduar pas gati një jave nga dita kur familjarët e 18 vjeçares nga Librazhdi e kishin konsideruar të zhdukur, aventura e saj. Sipas të dhënave zyrtare nga Policia e Elbasanit ajo është gjetur ditën e sotme. Gjatë marrjes në pyetje ajo ka treguar se nga shtëpia është larguar me dëshirën e saj dhe të të dashurit.
Më datë 11 prill në Komisariatin e Policisë Librazhd ishte paraqitur nëna e saj Nexhmie Mana, 40 vjeçe banuese në Librazhd Katund, e cila kishte bërë kallëzim për largimin nga banesa të vajzës B.Mana, 18 vjeçe, nxënëse në Gjimnazin e Librazhdit, e cila ishte larguar më datë 7 prill.
Shërbimet e policisë u vunë në kërkim të saj dhe e gjetën sot ku e kanë marrë në pyetje. Mësohet se gjimnazistja nga Librazhdi ishte larguar pa adresë edhe herë tjetër për disa ditë.
