Një 65-vjeçar është gjetur pa shenja jete mbrëmjen e sotme në fshatin Xibër Murrize, në rrugën që të çonte tek shtëpia e tij.
Policia bën me dije se viktima ka dëmtime në kokë dhe në gjoks, të shkaktuara me mjet prerës (thikë).
Sipas informacioneve të para, viktima është Selim Velsula 65 vjeç.
Ndërkohë, policia ndodhet në vendngjarje dhe po punon për zbardhjen dhe sqarimin e plotë të rrethanave dhe shkaqeve të kësaj ngjarjeje të dyshimtë.
Njoftimi i policisë:
“Mbrëmjen e sotme, në fshatin Xibër, pranë pronës së tij, është gjetur pa shenja jete shtetasi S.V., rreth 65 vjeç. Nga këqyrja paraprake, janë konstatuar dëmtime në trup, të shkaktuara dyshohet nga mjet prerës. Grupi hetimor ndodhet në vendngjarje dhe, nën drejtimin e Prokurorisë, po punohet për sqarimin e rrethanave të kësaj ngjarjeje”.
