Një trup i dekompozuar është gjetur pasditen e sotme në brigjet e Adriatikut në Kurbin. Sipas informacioneve, trupi është gjetur në grykëderdhjen e Ishmit dhe i përket seksit mashkull, por nuk dihet identiteti.
Ndërkohë, policia ka shkuar në vendin e ngjarjes, ndërsa lidhur me ngjarjen është ngritur dhe një grup hetimor i cili do të bëjë zbardhjen e plotë të ngjarjes së rëndë.
Njoftimi i policisë
Kurbin, Lezhë
Më datë 25.12.2019, në orët e pasdites, në grykëderdhjen e lumit Ishem, Kurbin , një peshkatar ka konstatuar një trup të pajetë, të seksit mashkull dhe ka lajmëruar Policinë Kufitare të cilët menjëherë kanë shkuar në vendgjarje.
Kufoma është transportuar në morgun e spitalit për ekspertizë mjeko-ligjore.
Grupi hetimor nën drejtimin e Prokurorisë po vijon hetimet për identifikimin dhe sqarimin e plotë të rrethanave të ngjarjes./ Opinion.al
