Një 81-vjeçar është gjetur ditën e sotme i pajetë në banesën e tij në Vlorë.
Përmes një njoftimi, Policia bën të ditur se nga të dhënat e para dyshohet se 81-vjeçari ka ndërruar jetë prej disa ditësh për shkaqe natyrale.
Po ashtu bëhet e ditur se nuk janë konstatuar shenja dhune në trupin e tij dhe pritet që t’i nënshtrohet ekzaminimeve mjeko-ligjore për përcaktimin e saktë të shkakut dhe kohës së vdekjes.
Ndërkohë grupi hetimor ndodhet në vendngjarje dhe po punon për sqarimin dhe dokumentimin e plotë të rrethanave të ngjarjes.
