Një arsenal armësh është gjetur mbrëmjen e sotme në Gramsh.
Sipas uniformave blu janë gjetur një sasi e madhe granatash dhe arka të konsiderueshme me fishekë.
Bëhet me dije se armëet janë gjetur në një banesë të vjetër dhe të pabanuar.
Gramsh/Informacion paraprak
Në fshatin Çekrezë, në një banesë të vjetër prej guri dhe të pabanuar (pronari i së cilës nuk jeton më), janë gjetur në arka të vjetra, disa granata dhe një sasi municioni luftarak.
Shërbimet e Policisë dhe grupi hetimor kanë shkuar menjëherë në vendin ku janë konstatuar lëndët plasëse, kanë siguruar perimetrin e sigurisë dhe vijon puna për dokumentimin ligjor të rastit./Opinion.al
