Gjendet i pajetë në banesën e tij ish-gjyqtari, Subi Sulçe që dënoi me vdekje dy poetët e Librazhdit, Vilson Blloshmi dhe Genc Leka.
Mësohet se ish-gjyqtari 83-vjeçar Subi Sulçe jetonte i vetëm dhe është gjetur i vdekur në banesën e tij në Korçë, mëngjesin e së mërkurës.
Nga këqyrja e kufomës, policia konfirmoi se vdekja e Sulçes ka ardhur për shkaqe natyrale.
Më 13 korrik 1977, Subi Sulçe kryesoi seancën gjyqësore të mbajtur në kinemanë e qytetit të Librazhdit, ku për akuzën e fabrikuar të sabotazhit në ekonomi, u dënuan me pushkatim poetët Genci Leka dhe Vilson Blloshmi.
