Një 38-vjeçar është gjetur i pajetë në banesën e tij mbrëmjen e sotme në qytetin e Elbasanit.
Abc News raporton se viktima quhet Leonard Murrizi. Prej pasdites së sotme ai nuk i është përgjigjur thirrjes së familjarëve të tij në telefon. Murrizi jetonte i vetëm në shtëpi pasi fëmijët dhe gruaja e tij ndodheshin në Greqi.
Pasi familjarët kanë njoftuar policinë, me ndihmën e punonjësve të shërbimit zjarrfikës kanë arritur hapjen e derës dhe është konstatuar se 38-vjeçari ishte pa sheja jete.
Trupi i tij është dërguar në morgun e qendrës spitalore të Elbasanit për t’i bërë autopsinë për të përcaktuar shkakun e vdekjes./Opinion.al
