Policia e Vlorës identifikoi trupin e personit të gjetur pasditen e të shtunës në ujërat e Vlorës në afërsi të Karaburunit.
Ai është Ardian Hitaj, 46 vjeç, i njohur si peshkatar. Sipas policisë, Hitaj është identifikuar nga familjarët e tij në morgun e spitalit të qytetit të Vlorës.
Nga hetimet e kryera, nga policia mësohet se Hitaj, ka humbur kontaktet me familjarët më datë 11 prill 2017. Ai kishte dalë për të peshkuar në Karaburun, por në rrethana ende të panjohura ai është gjetur në det.
Nga këqyrja që i është bërë trupit të viktimës nuk janë konstatuar shenja dhune apo dëmtime të tjera. Ekspertët mjeko-ligjorë kanë konkluduar se shkaku i vdekjes së tij ka qenë mbytja në ujë.
***
Ditën e sotme është bërë i mundur identifikimi nga familjarët i trupit të pajetë i cili u gjet ditën e djeshme në veri të Sazanit në ujë. Bëhet fjalë për 46-vjeçarin Ardian Hitaj, banues në Vlorë.
Nga hetimet e kryera, dyshohet se personi ka humbur kontaktet me familjarët më datë 11.04.2017, duke peshkuar në Karaburun.
Nga këqyrja që i është bërë trupit të viktimës nuk janë konstatuar shenja dhune apo dëmtime të tjera.
Sipas ekspertizës mjeko ligjore ka rezultuar se shkaku i vdekjes është mbytja në ujë (det)
