Një 37-vjeçar është gjetur i mbytur ditën e sotme në liqenin e Belshit.
Sipas uniformave blu mësohet se është nxjerrë trupi i pajetë i 41-vjeçarit i identifikuar si F.Xh.
Nga informacionet zyrtare mësohet se ky shtetas vuante nga problemet e shëndetit mendor.
“Rreth orës 12:30, është marrë njoftim se dyshohej se një shtetas ishte mbytur në liqenin e Belshit.
Menjëherë pas njoftimit, shërbimet e Policisë kanë shkuar në adresën e dhënë, dhe në bashkëpunim me shërbimet zjarrfikëse, kanë bërë të mundur nxjerrjen nga ky liqen, të trupit të pajetë të shtetasit F. Xh., 41 vjeç, i cili sipas deklarimeve të familjarëve, vuan nga probleme të shëndetit mendor.
Nga këqyrja paraprake e trupit nuk janë konstatuar shenja dhune”, tha policia.
Grupi hetimor vijon punën për zbardhjen e plotë të rrethanave të kësaj ngjarjeje.
