Dy turistët e huaj që u raportuan të zhdukur në malin e Korabit janë gjetur, pasi kanë kontaktuar vet policinë. Turisti çek dhe ai francez kishin humbur kontaktet që ditën e djeshme dhe për herë të fundit ishin parë në fshatin Radomir të Dibrës.
Policia konfirmon se turistët janë në gjendje të mirë shëndetësore dhe u lokalizuan në mal nga uniformat blu përmes telefonit.
Policia nisi kërkimet që mbrëmë për gjetjen e tyre, por nuk kishte sinjale prej tyre deri rreth mesditës së sotme. Ata kishin humbur gjurmët dje pasdite rreth orës 18:00, pasi pajisja e tyre GPS kishte shkëputur sinjalizimin.
