Policia ka zbuluar dhe asgjësuar plot 9840 rrënjë kanabis sativa në zonën e Sarandës. Burime nga policia kanë bërë të ditur se, bimët narkotike janë zbuluar të mbjella në dy zona të ndryshme.
Në fshatin Ninat, Bashkia Konispol, janë asgjësuar 5841 rrënjë bimë narkotike, prej të cilave:
– 4023 rrënjë ishin të mbjella në kubikë, me lartësi deri në 5 cm
– 1818 rrënjë ishin të mbjella në tokë, me lartësi 5 – 9 cm.
Në fshatin Livadhja, janë gjetur dhe asgjësuar 4000 rrënjë bimë narkotike “Cannabis”, të mbjella në vendin e quajtur “Kalaja e Ali Pashës”, prej të cilave:
– 2000 rrënjë ishin të mbjella në tokë, me lartësi deri në 15 cm.
– 2000 rrënjë të tjera të mbjella nëpër kubikë, me lartësi deri në 5 cm.
U bë asgjësimi i tyre me djegie. Policia thotë se po punon për identifikimin dhe kapjen e kultivuesve.
