Gianni De Biasi pasuesi i Antonio Conte?! Marcello Lippi, trajneri që e shpalli kampione të botës Italinë në vitin 2006 mendon se është drejtimi i kombëtares italiane nga De Biasi është një zgjedhje logjike.
Një deklaratë kjo mbështetëse e një strategu të futbollit të nivelit botëror, që nuk dëshiron më të drejtojë përfaqësuesen e vendit të tij, edhe pse ishte mes kandidatëve. Lippi ishte i ftuar në një bisedë të hapur në Koneliano, qyteti ku banon trajneri i Kombëtares.
Një pjesë e mirë e diskutimit u bazua te futbolli dhe përvoja e Marcello Lippi në këtë sport dhe pas pyetjes nga salla nëse Gianni De Biasi mund të drejtonte Italinë, ai aprovoi.
Mediat sportive përtej Adriatikut përmendin edhe De Biasin si një kandidat për stolin e përfaqësueses italiane. Trajneri aktual i kuqezinjve e ka shmangur gjithmonë këtë pyetje duke thënë se ai është drejton Shqipërinë në këto momente dhe mendon vetëm për Europianin, ku Kombëtarja është debutuese./Tv Klan
