Ditën e sotme është zhvilluar seanca gjyqësore në GJKKO ndaj ish-ministrit të Mbrojtjes, Fatmir Mediu për tragjedinë e Gërdecit.
Avokati mbrojtës i Mediut, Ardian Visha tha para gazetarëve se autoritetet amerikane i kishin dhënë dy mundësi për marrjen ne pyetje të 5 dëshmitarëve amerikane, ose të merren nge pyetje nga FBI ose me video konferencë.
Pyetje: A është shteruese për procesin që 5 dëshmitarët amerikanë të pyeten nga dëshmitarët e FBI?
“Do ishte mirë të ishin prezent këtu. Në pamundësi për të realizuar prezencën e tyre në Shqipëri, autoritetet amerikane kanë ofruar dy mundësi. 1-mundësinë e pyetjes me video-konferencë, apo mundësinë e pyetjes nga autoritetet amerikane që mund ta realizojnë agjentet e FBI. Ne kemi këmbëngulur në pyetje me video-konferencë.
I gjithë procesi duhet të ishte mbyllur në një seancë. Gjykata ka vendosur që mbi parashkrimit të shprehet ne fund të procesit. Ok, doni të gjeni të vërtetën? E vërtetat determinohet se çfarë ndodhi në Gërdec. Për ne nuk është një aksident Gerdeci, por është një akt i qëllimtë. Për ne do të duhet të ketë një hetim të plotë. Ne na intereson e vërteta. Akti i ekspertimit ka në thelb një përmbajtje të pa konkretizuar. Ne kërkojmë që të realizohet një përballje jona me ekspertët për të bërë pyetjet e tyre ne lidhje me detajet që ata kanë mundur të mbikëqyrur”,-tha avokati Visha.
