Prej katërmbëdhjetë vjetësh sfilata e Geraldina Sposa-s është kthyer në një event kulturor të mezipritur në Tiranë në çdo fillim qershori, që përkon me ditëlindjen e sallonit më të njohur në Shqipëri për fustanet e nuseve. Edhe pse në vitin 1995 kur u çel, salloni nisi të krijonte emrin e tij si zgjedhja e parë dhe e vetme për të gjetur fustanin e duhur të nuses, tashmë në vitin e 22-tw nga hapja njihet për organizimin e eventeve më të mëdha, lançimin e të parit brand shqiptar të prodhimit të veshjeve të nuserisë dhe kokteilit, por edhe për mbajtjen e një eventi të tillë, ku veç sfilatës shijohet dhe një festë e jashtëzakonshme dhe del në pah shpirti i mondanitetit të Tiranës.
Sfilata e këtij viti është shumë ndryshe nga ato që shikuesit e saj kanë parë në gjithë këta vjet. Një pasarelë gjigande, 109 metër, më e gjata e ndërtuar ndonjëherë në Shqipër,në një nga rrugicat e hotel Rogner, në qiell të hapur krijon per te pranishmit nje atmosferë të jashtëzakonshme.
Sfilata e është e ndarë në tre pjesë. Në kalimin e parë, sipas një tradite të re, të pritur shumë mirë nga klientët dhe ndjekësit e Geraldines, u eshte lënë një vend ne pasarelë disa prej nuseve te sallonit, për të përjetuar edhe njëherë emocionet e veshjeve të nusërisë, por edhe që të ruajnë kujtimin e një nate, si modele të vërteta. Nuset e vërteta të Geraldinës do të sfilojnë me disa nga fustanet e importuara nga brandet më të njohura botërore, që tregtohen ekskluzivisht në sallon.
Ky kalim mbyllet me modelen Adrola Dushi, e ardhur enkas nga USA, e cila është shfaqur për të parën herë për publikun shqiptar në sfilatën e Geraldinës . Ajo sfilon me një fustan të veçantë, stiluar nga Hervé Moreau.
Kalimi i dytë u kushtohet fustaneve të nuseve pjesë e koleksionit Geraldina Sposa, lançuar në vitin 2015 dhe të prodhuara me një cilësi të jashtëzakonshme dhe materialet më të mira, tantellat franceze, qëndisje të gjitha me dorë, realizuar nga mjeshtret e sallonit shqiptar. Ky kalim shoqërohet me muzikë të përzgjedhur me mjaft kujdes dhe të rikompozuar enkas për këtë sfilatë nga Dj Toni Toy. Nën tingujt e njohur shqiptarë të risjellë ndryshe, do kalojnë fustane të prodhuara për nuset shqiptare nga i pari brand shqiptar, Geraldina Sposa.
Kalimi i dytë prej dhjetë modelesh të linjës Geraldina Sposa, hapet me modelen e mirënjohur shqiptare Xhesika Berberi, e cila praktikisht është rritur para syve tanë në këtë pasarelë, për të vazhduar me vajza të njohura të modelingut dhe ekraneve shqiptare si Vilma Masha,Viola Spiro,Bora Basha,Eva Murati,Arentina Shakulli,Kejda Ajazi,Dajana Kllogjeri,Jona Spahiu, etj.te gjitha bukuroshe edhe të zonjat, që përfaqësojne denjësisht atë që është nusja “Geraldinë”.
Ndërsa kalimi i tretë, është ai që i jep kuptimin gjithë sfilatës. Jo më kot ftesa e këtij viti kishte dy silueta me fustane nusesh, një nuse të madhe dhe një të vogël. Dhe jo më kot është zgjedhur dita e 1 qershorit, festa e fëmijëve. Në këtë festë për të parën here prezantohet koleksioni i Geraldinës me emrin KALTRA. Ky koleksion me 22 fustane do të prezantohet ëmbël nga modele të mëdha (disa prej të cilave tashmë nëna) dhe vajzat e vogla që ndoshta nesër do jenë modelet tona në gjurmët e Linda Podës, Kristi Cavos,Egla Harxhit,Andresa Ambrosios,Kledia Haxhajas, Suada Sherifit, Matilda Mecinit, Marigona Nilës, etj.
