Komisioni i Medias zhvilloi dëgjesën me ish-drejtoreshën e Informacionit në televizionin A1News, Alida Tota e cila u shkarkua, sipas saj, për një investigim për vdekjen në landfillin e Sharrës.
Dëgjesa me gazetaren Tota dhe perfaqësuesin e Shoqatës së Gazetarëvë Profesionistë, Aulon Kalaja u bojkotua nga deputetët e Partisë Socialiste, ndërsa u ndoq nga afër nga përfaqësia e Delegacionit të Bashkimit Europian, Zyra e Këshillit të Europës, prezenca e OSBE-së dhe ambasada italiane.
Gazetarja Alida Tota denoncoi influencën e Kryetarit te Bashkisë së Tiranës, Erjon Veliaj ne shkarkimin e saj nga puna, pak kohë pas sms së dërguar, ku i kërkohej prononcim zyrtar për gjetjet e investigimit.
Gazetarja Tota deklaroi se shantazhet dhe kërcënimet në adresë të saj dhe të ekipit editorial vazhduan për disa orë, deri në shkarkimin e menjëhershëm të saj nga puna.
Kryetari i Komisionit te Edukimit dhe Mjeteve të Informimit Publik, Genc Pollo shprehu shqetësimin e përsëritjes së bllokimit të seancës dëgjimore nga ana e mazhorancës, duke e cilësuar urdhër politik të kryeministrit për të shtuar presionin mbi lirinë e shtypit.
Në seancën e radhës, Komisioni i Medias do të zhvillojë dëgjesë me gazetarët e emisionit investigativ “Publicus”, emisioni i të cilëve nuk u transmetua në Vizion Plus por ama u dha i plotë në emisionin “Opinion”.
