Emisioni “Opinion” në Tv Klan mbrëmjen e kësaj të enjte diskutoi sa i përket raportit që ka Shqipëria me SHBA-në dhe se si po ndikon Donald Trump në politikat e BE-së e më gjerë.
Pikërisht për këtë gazetarja Mirela Milori tha se me ardhjen e Trump në pushtet Europa e veçanërisht Bashkimi Europian po fillon që të jetë më tepër e angazhuar.
Ndër të tjera, ajo bëri dhe një deklaratë të fortë sa i përket ndikimit të BE-së në Shqipëri. Sipas saj vendi ynë me dëshirën e madhe për t’u anëtarësuar në BE, ka 12 vjet që po trajtohet si një lodër në duart e liderëve europianë, ku e revoltuar gazetarja i quajti si “burokratë obezë”.
“Bashkimi Europian për herë të parë detyrohet që të luajë ‘solo’, se deri tani ka qenë ‘play-back’ Europa, ose më saktë Bashkimi Europian. Sepse ne nuk duhet të themi vendet kontinentale dhe vendet e Bashkimit Europian, ne jemi vende dhe dëshmojnë që imperativa apo dëshira jonë për të qenë pjesë e Bashkimit Europian ka 30 vjet që kalon nëpër grup-kapituj. Hap një grup-kapitull, mbyll një grup-kapitull, shto 7 pika dhe përveç gafave të politikës sonë të brendshme ne kemi të paktën 11-12 vjet që jemi një lodër në duart e ca burokratëve obezë europianë që hyjnë e dalin këtu”, tha Mirela Milori.
