Pasi dëshmoi për 45 minuta në Prokurori lidhur me deklaratat e bëra ndaj gjyqtarit Arian Aliaj., Ministri Tahiri është përballur me një pyetje të sikletshme nga gazetarja e Tvsh.
Sipas saj, ka një urdhër arresti për Tahirin, që mbetet peng pasi nuk po gjejnë gjyqtar të pastër, për të firmosur urdhërin.
Tahiri në deklaratë: Iu përgjigja thirrjes së Prokurorisë për të dhënë sqarimet e mia lidhur me deklaratat që kam bërë ndaj gjyqtarit Aliaj, pas një kallëzimi nga Këshilli i Lartë i Drejtësisë:, u shpreh Tahiri pasi doli nga prokuroria duke iu pergjigjur interesit të medias.
Gazetarja e TVSH: Ju personalisht keni patur çështje gjyqësore, keni patur probleme me gjyqësorin, ju dhe familja juaj. Mos është kjo një “luftë personale”? Dhe flitet se ka një urdhërarresti të firmosur nga prokuroria, por që ngelet peng se nuk po gjejnë gjyqtarin e pastër, sipas tyre për ta firmosur urdhrin.
Saimir Tahiri: Nuk e kuptova pyetjen. Flitet që ka një urdhër arresti…?
Gazetarja e TVSH: Për ju! Në lidhje me çështjen e përgjimeve, por flitet se nuk po e gjejnë gjyqtarin.
Tahiri: Nuk dua të merrem fare me këtë. Nëse keni çështje konkrete adresojini në institucionet përkatëse. Mua me mbetet vetëm të përsëris ato.
